മുലയൂട്ടൽ കേന്ദ്രം നാടിന് സമർപ്പിച്ച് കൊയിലാണ്ടി കൂട്ടം ഗ്ലോബൽ ചാപ്റ്റർ

കൊയിലാണ്ടി: കൊയിലാണ്ടിക്കൂട്ടം ഗ്ലോബൽ കമ്മ്യൂണിറ്റി കുവൈറ്റ് ചാപ്റ്റർ കൊയിലാണ്ടി താലൂക്ക് ആശുപത്രിക്ക് വേണ്ടി നിർമ്മിച്ചു നൽകിയ മുലയൂട്ടൽ കേന്ദ്രം കൊയിലാണ്ടി എംഎൽഎ കാനത്തിൽ ജമീല നാടിന് സമർപ്പിച്ചു. കൊയിലാണ്ടി നഗരസഭ ചെയർപേഴ്സൺ സുധ കിഴക്കെപ്പാട്ട് മുഖ്യാതിഥിയായി. 

       ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ പ്രജില, പൊതുമരാമത്ത് സ്റ്റാൻഡിംഗ് ചെയർമാൻ ഇ. കെ. അജിത്, മുൻ പി എസ് സി മെമ്പർ ടി. ടി. ഇസ്മായിൽ, നഗരസഭ കൗൺസിലർമാരായ വി. പി. ഇബ്രാഹിം കുട്ടി, വൈശാഖ്, പവിത്രൻ കൊയിലാണ്ടി, റാഫി കൊയിലാണ്ടി, കുവൈറ്റ്‌ ചാപ്റ്റർ ജോയിന്റ് സെക്രട്ടറി ശിവദാസൻ പിലാക്കാട്ട്, ട്രഷറർ റിയാസ് മൂടാടി, ബാലൻ അമ്പാടി, റഷീദ് മൂടാടി എന്നിവർ ആശംസകൾ അർപ്പിച്ചു. ഡോ: രമ്യ ബോധവൽക്കരണം നടത്തി. 

       എ. അസീസിൻ്റെ അധ്യക്ഷതയിൽ നടന്ന ചടങ്ങിൽ കുവൈറ്റ്‌ ചാപ്റ്റർ ചെയർമാൻ ഷാഫി കൊല്ലം സ്വാഗതവും സൂപ്രണ്ട് ഇൻ ചാർജ് ഡോ: പ്രമോദ് നന്ദിയും പറഞ്ഞു. ചടങ്ങിൽ ഷഹീർ ഗാലക്സി കൊയിലാണ്ടി, ഡോക്ടർ ഷാഹുൽ ഹമീദ് കൊയിലാണ്ടി, പ്രഷീദ് കോരപ്പുഴ, തൻസീൽ എം. വി. മാടാക്കര, ഗഫൂർ കുന്നിക്കൽ, സി. പി. എ. മുജീബ് റഹ്മാൻ (മുജു കാരയാട്) തുടങ്ങി നിരവധി കൊയിലാണ്ടിക്കൂട്ടം അംഗങ്ങളും കുടുംബാംഗങ്ങളും സംബന്ധിച്ചു.