മൂന്നര വയസ്സുകാരിയെ ലൈംഗികമായി പീഡിപ്പിച്ച പ്രതി കോടഞ്ചേരിയിൽ പിടിയിൽ

കോടഞ്ചേരി: മൂന്നര വയസ്സ് പ്രായമുള്ള ബാലികയെ ലൈംഗികമായി പീഡിപ്പിച്ച യുവാവ് പോലീസ് പിടിയിൽ. അശ്വിൻ എന്ന തമ്പുരു (31) എന്നയാളെയാണ് രണ്ടുദിവസത്തെ നിരന്തരമായ ശ്രമത്തിനൊടുവിൽ കോടഞ്ചേരി പോലീസ് സ്റ്റേഷൻ പരിധിയിലെ കുപ്പായക്കോട് കൈപ്പുറത്ത് വെച്ച് ബാലുശ്ശേരി പോലീസ് ഇൻസ്പക്ടർ ദിനേശ് ടി.പിയും സംഘവും ഇന്ന് ഉച്ചയോടെ കസ്റ്റഡിയിലെടുത്തത്.

      ബാലുശ്ശേരി അറപ്പീടിക സ്വദേശിയായ പ്രതി സംഭവത്തിനുശേഷം വയനാട്, കോടഞ്ചേരി എന്നിവിടങ്ങളിൽ ഒളിവിൽ കഴിഞ്ഞു വരികയായിരുന്നു. പോലീസ് ഇൻസ്പെക്ടറെ കൂടാതെ ബാലുശ്ശേരി പോലീസ് സ്റ്റേഷനിലെ എസ്.ഐമാരായ സത്യജിത്ത്, മുഹമ്മദ് പുതുശ്ശേരി, എസ്.സി.പി.ഒ. ഗോകുൽ രാജ്, സി.പി.ഒ. സുജേഷ് എന്നിവരും പോലീസ് സംഘത്തിൽ ഉണ്ടായിരുന്നു. മുമ്പ് പോലീസ് സ്റ്റേഷനിലെ ജീപ്പ് അടിച്ചു തകർത്തതുൾപ്പടെ മറ്റു പല കേസ്സുകളിലും ഉൾപ്പെട്ടയാളാണ് അശ്വിൻ എന്ന തമ്പുരു.