വെള്ളിമാട്‌കുന്നിൽ വിദ്യാർത്ഥികൾ തമ്മിൽ സംഘർഷം; വിദ്യാർത്ഥിയുടെ മൂക്കിൻ്റെ എല്ല് പൊട്ടി

കോഴിക്കോട്: വെള്ളിമാട്‌കുന്നിൽ വിദ്യാർത്ഥികൾ തമ്മിൽ സംഘർഷം. ഒരു വിദ്യാർത്ഥിയുടെ മൂക്കിൻ്റെ എല്ല് പൊട്ടി. ജെഡിടി കോളജിലെ വിദ്യാർത്ഥിയായ അഹമ്മദ് മുജ് തബക്കാണ് ഗുരുതരമായി പരുക്കേറ്റത്. സംഭവത്തിൽ അഞ്ച് വിദ്യാർത്ഥികളെ ചേവായൂർ പൊലീസ് അറസ്റ്റ് ചെയ്തു.മുഹമ്മദ് റിബാസ്, ഷാഹിൻ, നിഹാൽ, മുഹമ്മദ് യാസിർ, എജാസ് അഹമ്മദ് എന്നിവരാണ് അറസ്റ്റിലായത്.

       13 സീനിയർ വിദ്യാർത്ഥികൾ ക്കെതിരെ കേസ് എടുത്തു. മറ്റുള്ളവരെ ഉടൻ പിടികൂടുമെന്നും പൊലീസ് അറിയിച്ചു. മാർച്ച് 13ന് രാത്രി ഒരു ഹോട്ടലിന് മുന്നിലാണ് സംഘർഷമുണ്ടായത്. മുൻവൈരാഗ്യമാണ് അക്രമത്തിന് കാരണമായതെന്നാണ് പൊലീസ് പറയുന്നത്. പരിക്കേറ്റ വിദ്യാർത്ഥി ചികിത്സയിലാണ്.