വാഹന പരിശോധനക്കിടെ 16 കിലോ കഞ്ചാവുമായി യുവാവ് പിടിയിൽ

മലപ്പുറം: വാഹന പരിശോധനക്കിടെ 16 കിലോ കഞ്ചാവുമായി യുവാവ് പിടിയിൽ. മലപ്പുറം കുറ്റിപ്പുറം നടുവട്ടം മുത്താണിക്കാട് വീട് മുഹമ്മദ് ഹാരിസ് (34) ആണ് പിടിയിലായത്.

      ടൂറിസ്റ്റ് ബസിൻ്റെ ലെഗേജ് ബോക്സിൽ സ്യൂട്ട്കേസിലും, ബാഗിലുമായി സൂക്ഷിച്ച നിലയിലാരുന്നു കഞ്ചാവ്. ഒഡീഷയിൽ നിന്ന് ബാംഗ്ലൂർ വഴി കേരളത്തിലേക്ക് കഞ്ചാവ്‌ എത്തിക്കുന്നതിനിടെയാണ്‌ ഇയാൾ പിടിയിലായത്‌.

      എക്സൈസ് സി.ഐ. ആർ. പ്രശാന്തിൻ്റെ നേതൃത്വത്തിൽ പി.ആർ.ഒമാരായ അബ്ദുൾ സലാം, പി.വി. രജിത്, സി.ഇ.ഒമാരായ സജിത്, സുധീഷ് എന്നിവർ ചേർന്നാണ് കഞ്ചാവ്‌ പിടികൂടിയത്.