കൂരാച്ചുണ്ടില്‍ ഭര്‍ത്തൃമതിയായ യുവതിയെ നഗ്നദൃശ്യങ്ങൾ കാണിച്ച് ഭീഷണിപ്പെടുത്തിയ യുവാവ് അറസ്റ്റില്‍
പിടിയിലായത് തൊട്ടിൽപ്പാലം സ്വദേശി
NDR News
15 May 2024 07:10 AMകൂരാച്ചുണ്ട്: ഭർത്തൃമതിയായ യുവതിയെ മൊബൈലില്‍ നഗ്ന ചിത്രങ്ങള്‍ കാണിച്ചും ഭീഷണിപ്പെടുത്തിയും ശല്യം ചെയ്ത യുവാവ് അറസ്റ്റിൽ. തൊട്ടില്‍പ്പാലം കുണ്ടൂതോട് സ്വദേശി ബിജോ സെബാസ്റ്റ്യനെയാണ് കൂരാച്ചുണ്ട് പോലീസ് അറസ്റ്റു ചെയ്തത്. കൂരാച്ചുണ്ട് സ്വദേശിയായ യുവതിയുടെ പരാതിയിലാണ് കേസ് രജിസ്റ്റർ ചെയ്തത്.
കൂരാച്ചുണ്ട് പോലീസ് ഇന്‍സ്‌പെക്ടര്‍ എല്‍. സുരേഷ് ബാബു, സബ് ഇന്‍സ്‌പെക്ടര്‍ പി.കെ. മനോജ്, എ.എസ്.ഐ. രാജേഷ് കൂമാര്‍ എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്. കൊയിലാണ്ടി ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.
