നാദാപുരത്ത് അംഗൻവാടി കുട്ടികൾക്കെതിരെ ലൈംഗികാതിക്രമം; അമ്പതുകാരൻ അറസ്റ്റിൽ

നാദാപുരം: അംഗൻവാടി കുട്ടികൾക്കെതിരെ ലൈംഗികാതിക്രമം നടത്തിയ അമ്പത്തുകാരൻ അറസ്റ്റിൽ. നാദാപുരം ചെക്യാട് അംഗൻവാടിക്കു സമീപം താമസിക്കുന്ന അശോകനെയാണ്(50) വളയം പൊലീസ് പിടികൂടിയത്. പഞ്ചായത്തിലെ അംഗൻവാടി കുട്ടികളെ ലൈംഗികമായി ഉപദ്രവിച്ചെന്ന കേസിലാണ് അറസ്റ്റ്. 

     രക്ഷിതാക്കൾ വോട്ടു ചെയ്യാൻ പോയ സമയത്തും വിഷു ദിവസവും അഞ്ചുവയസ്സിൽ താഴെ പ്രായമുള്ള രണ്ടു കുട്ടികളെ വീട്ടിൽവച്ച് ലൈംഗികമായി ഉപദ്രവിച്ചെന്നാണ് ഇയാൾക്കെതിരെയുള്ള പരാതി. അംഗൻവാടി ജീവനക്കാർ, ചൈൽഡ് ലൈൻ പ്രവർത്തകരെ വിവരം അറിയിക്കുകയും തുടർന്ന് ചൈൽഡ് ലൈൻ പ്രവർത്തകർ മൊഴി രേഖപ്പെടുത്തിയശേഷം നാദാപുരം ഡി.വൈ.എസ്.പിക്ക് കൈമാറുകയുമായിരുന്നു. 

      ഇന്നലെ രാത്രി വളയം ഗവ. ആശുപത്രി റോഡിൽ വച്ചാണ് വളയം പൊലീസ് ഇയാളെ കസ്റ്റഡിയിൽ എടുത്തത്. ഇന്ന് അറസ്റ്റ് രേഖപ്പെടുത്തി.