വിദ്യാർത്ഥി ബോധവൽക്കരണത്തിനായി 'ദ കേരള സ്റ്റോറി' പ്രദർശിപ്പിച്ച് ഇടുക്കി രൂപത
പത്ത് മുതല് പ്ലസ്ടു വരെയുള്ള വിദ്യാര്ത്ഥികള്ക്കായാണ് പ്രദര്ശനം നടത്തിയത്
ഇടുക്കി:ഈയിടെ വിവാദത്തിലായ സിനിമ 'ദ കേരള സ്റ്റോറി' വിദ്യാർത്ഥികൾക്കായി പ്രദര്ശിപ്പിച്ച് ഇടുക്കി രൂപത. വിശ്വാസോത്സവത്തിന്റെ ഭാഗമായിട്ടാണ് ഇടുക്കി രൂപതയില് സിനിമ പ്രദര്ശിപ്പിച്ചത്. രൂപതയിലെ പത്ത് മുതല് പ്ലസ്ടു വരെയുള്ള വിദ്യാര്ത്ഥികള്ക്കായാണ് പ്രദര്ശനം നടത്തിയത്. പ്രണയത്തെക്കുറിച്ചുള്ള ബോധവത്ക്കരണത്തിന്റെ ഭാഗമായിട്ടാണ് കുട്ടികളുടെ മുന്നില് സിനിമ പ്രദര്ശിപ്പിച്ചതെന്നാണ് രൂപത അധികൃതര് പറയുന്നത്.
'ദ കേരള സ്റ്റോറി' കഴിഞ്ഞ ദിവസമാണ് ദൂരദര്ശനില് സംപ്രേഷണം ചെയ്തത്. ചിത്രം ദൂരദര്ശനില് പ്രദർശിപ്പിക്കുന്നതിരെ മുഖ്യമന്ത്രി രംഗത്ത് വന്നിരുന്നു. കേരളത്തെ ഇകഴ്ത്തി കാണിക്കാനുള്ള നീക്കത്തിൽ നിന്ന് കേന്ദ്ര സർക്കാർ പിന്തിരിയണമെന്ന് മുഖ്യമന്ത്രി ആവശ്യപ്പെട്ടിരുന്നു.കേരളത്തിൽ ഭിന്നിപ്പ് ലക്ഷ്യമിട്ടുള്ള നീക്കമാണിത് , നഗ്നമായ പെരുമാറ്റ ചട്ടലംഘനമാണിതെന്നും, തെരഞ്ഞെടുപ്പ് കമ്മീഷനെ സമീപിക്കുമെന്നും പ്രതിപക്ഷ നേതാവ് പറഞ്ഞിരുന്നു.
സിനിമ ബോക്സോഫീസില് മികച്ച കളക്ഷന് നേടിയിരുന്നു. ആദ ശർമ്മയെ നായികയാക്കി സുദീപ്തോ സെൻ രചനയും സംവിധാനവും നിർവ്വഹിച്ച ദ കേരള സ്റ്റോറി ചിത്രം നിർമ്മിച്ചത് ബോളിവുഡ് നിർമ്മാതാവ് വിപുൽ അമൃത്ലാൽ ഷാ ആയിരുന്നു. ചിത്രം ആകെ ഇന്ത്യയില് നിന്നും 225 കോടി നേടിയെന്നാണ് വിവരം. മെയ് 5നാണ് ചിത്രം റിലീസായത്.