റെക്കോർഡുകൾ ഭേദിച്ച് സ്വർണ്ണവില; പവന് 54,520 രൂപ

കോഴിക്കോട്: സംസ്ഥാനത്ത് സ്വർണ്ണ വില കുതിച്ചുയരുന്നു. പവന് 300 രൂപയാണ് ഇന്ന് കൂടിയത്. ഇതോടെ ഗ്രാമിന് 6,815 രൂപയും പവന് 54,520 രൂപയുമായി. വില വർദ്ധന ഇതേപോലെ തുടരുകയാണെങ്കിൽ പവന്‍റെ വില വൈകാതെ 60,000 രൂപയ്ക്ക് മുകളിലെത്തും.

     ഈ മാസം സ്വർണ്ണവിലയിൽ വൻ വർദ്ധനവാണ് കാണാനായത്. രാജ്യാന്തര വിപണിയിലെ വില കയറ്റമാണ് കേരളത്തിലെ വില കുതിച്ചുയരുന്നതിന് കാരണമായത്. മാർച്ച് മാസം തന്നെ പവന് അരലക്ഷം എന്ന നിലയിലേക്ക് സ്വർണ്ണവിപണി സഞ്ചാരം ആരംഭിച്ചിരുന്നു. അതിനെയും കടത്തിവെട്ടുന്ന നിലയിലേക്കാണ് നിലവിലെ കുതിപ്പ്.      

     വിഷുവിന് നേരിയ കുറവ് രേഖപ്പെടുത്തിയ സ്വർണവില പിന്നെ കുതിച്ചുയരുകയാനുണ്ടായത്. വിഷുവിന് ശേഷമുള്ള രണ്ട് ദിവസങ്ങളിൽ മാത്രം പവന് 1160 രൂപ വർദ്ധിച്ചു. ഏപ്രിൽ മാസം ഇതുവരെ 3720 രൂപയുടെ വർധനവാണ് സ്വര്‍ണവിലയിൽ രേഖപ്പെടുത്തിയത്.