സ്വർണ വിലയിൽ വൻ വർധന; പവന് 800 രൂപ കൂടി

കോഴിക്കോട്: സ്വർണവിലയിൽ കുതിച്ചുയരുന്നു. പവന് 800 രൂപയുടെ വർദ്ധനവാണ് ഉണ്ടായത്. ഇതോടെ പവന് 37,440 രൂപയും ഗ്രാമിന് 4,680 രൂപയും ആയി. രണ്ട് വർഷത്തിനിടയിലുണ്ടായ ഏറ്റവും വലിയ പ്രതിദിന വർധനയാണിത്.

      അന്താരാഷ്ട്ര വിലയിൽ 35 ഡോളറിന്റെ വർധനയാണ് രേഖപ്പെടുത്തിയിരിക്കുന്നത്. ഇതിന് ആനുപാതികമായാണ് രാജ്യത്ത് വില വർദ്ധിച്ചത്. കഴിഞ്ഞ രണ്ട് ദിവസങ്ങളിൽ ഗ്രാമിന് 10 രൂപയോളം വർധിച്ചിരുന്നെങ്കിലും ഇന്നലെ വിലയിൽ മാറ്റമുണ്ടായില്ല. തുടർച്ചയായി വില കുറഞ്ഞുവന്നിരുന്നെങ്കിലും വരുംദിവസങ്ങളിൽ സ്വർണവില വീണ്ടും ഉയരുമെന്നാണ് വിദഗ്ധർ നൽകുന്ന സൂചന.

     നിക്ഷേപകർ കൂടുതൽ നിക്ഷേപവും സ്വർണത്തിലേക്ക് മാറ്റിയ സാഹചര്യത്തിലാണ് വില വർധന.