കോഴിക്കോട്ട് സ്ത്രീയുടെ ദേഹത്തുകൂടി ബസ് കയറിയിറങ്ങി, ദാരുണാന്ത്യം

കോഴിക്കോട്: കോഴിക്കോട് ക്രിസ്ത്യൻ കോളജ് ജങ്ഷനിൽ വാഹനാപകടത്തിൽ സ്ത്രീക്ക് ദാരുണാന്ത്യം. എലത്തൂർ സ്വദേശി ബാബുവിന്റെ ഭാര്യ തങ്കമണിയാണ് മരിച്ചത്. ബാബുവിനൊപ്പം ബൈക്കിൽ സഞ്ചരിക്കുകയായിരുന്നു തങ്കമണി.   

      ക്രിസ്ത്യൻ കോളജ് ജങ്ഷനിലെ സിഗ്നലിൽ നിർത്തിയിട്ടിരുന്ന ബസ്, സിഗ്നൽ ഓണായപ്പോൾ മുന്നിലുണ്ടായിരുന്ന ബാബുവിന്റെ ബൈക്കിനെ മറികടക്കാൻ ശ്രമിച്ചപ്പോഴാണ് അപകടം. ബസ് ബൈക്കിലിടിച്ചതോടെ ബാബുവും തങ്കമണിയും റോഡിലേക്ക് തെറിച്ചുവീണു. ബസ്സിനടിയിൽപ്പെട്ട തങ്കമണിയുടെ ശരീരത്തിലൂടെ ബസ് കയറി ഇറങ്ങുകയായിരുന്നു. പരിക്കേറ്റ ബാബുവിനെ ആശുപത്രിയിലേക്ക് മാറ്റി.