നന്തി മേൽപ്പാലത്തിൽ ലോറിയും പിക്കപ്പ് വാനും കൂട്ടിയിടിച്ച് രണ്ടുപേർക്ക് പരിക്ക്

നന്തി: ദേശീയ പാതയിൽ മേൽപാലത്തിൽ ലോറിയും പിക്കപ്പ് വാനും കൂട്ടിയിടിച്ച് അപകടം. രണ്ടു പേർക്ക് പരിക്ക്.അപകടത്തെ തുടർന്ന് ഏറെ സമയം ഗതാഗതം തടസ്സപ്പെട്ടു.ഇന്നലെ രാത്രി 10 30 ഓടെയാണ് സംഭവം. പയ്യോളി ഭാഗത്തേക്ക് പോവുകയായിരുന്ന ലോറിയും കൊയിലാണ്ടി ഭാഗത്തേക്ക് പോവുകയായിരുന്ന പിക്കപ്പ് വാനുമാണ് കൂട്ടിയിടിച്ചത്. ഇടിയുടെ ആഘാതത്തിൽ പിക്കപ്പ് വാനിൽ പരിക്കേറ്റ് കുടുങ്ങിയവരെ ഏറെ പണിപ്പെട്ടാണ് പുറത്തെടുത്തത്. 

     വിവരം ലഭിച്ചതിൻ്റെ അടിസ്ഥാനത്തിൽ അഗ്നി രക്ഷാ സേന എത്തിയപ്പോഴേക്കും പരിക്കേറ്റവരെ നാട്ടുകാർ ആശുപത്രിയിൽ എത്തിച്ചിരുന്നു. തുടർന്ന്, സേനയുടെ നേതൃത്വത്തിൽ അപകടത്തിൽപ്പെട്ട വാഹനങ്ങൾ ഒതുക്കി നിർത്തി, ഏറെനേരം തടസ്സപ്പെട്ട ഗതാഗതം പുനസ്ഥാപിക്കുകയും ചെയ്തു.സീനിയർ ഫയർ ആൻ്റ് റെസ്ക്യൂ ഓഫീസർ ബി കെ അനൂപ് രക്ഷാപ്രവർത്തനത്തിന് നേതൃത്വം നൽകി.