ബാലൻ കെ നായരുടെ പുത്രൻ നടൻ മേഘനാഥൻ അന്തരിച്ചു

കോഴിക്കോട്: മലയാള സിനിമ നടൻ മേഘനാഥൻ(60) അന്തരിച്ചു.ഈ മാസം ആറാം തീയതി മുതൽ ശ്വാസകോശ സംബന്ധമായ രോഗത്തെ തുടർന്നാണ് ചികിത്സയിലായിരുന്നു. ഇന്ന് പുലർച്ചെ രണ്ടു മണിയോടെയാണ് മേഘനാഥൻറെ അന്ത്യം. കോഴിക്കോട് ബേബി മെമ്മോറിയൽ ആശുപത്രിയിൽ ചികിത്സയിൽ ആയിരുന്നു. നടൻ ബാലൻ കെ നായരുടെ മകനാണ്. സംസ്കാരം ഷൊർണ്ണൂരിലുള്ള വീട്ടിൽ വെച്ച് ഉച്ചയ്ക്ക് രണ്ടു മണിക്ക് നടക്കും. 

     ഒട്ടേറെ സിനിമകളിലഭിനയിച്ച മേഘനാഥൻ്റെ 1983 ൽ ഇറങ്ങിയ അസ്ത്രമാണ് ആദ്യചിത്രം. വില്ലൻ കഥാപാത്രങ്ങളിലൂടെയാണ് മേഘനാഥൻ ശ്രദ്ധേയനായത്. ചെങ്കോൽ, ഈ പുഴയും കടന്ന്, ഉത്തമൻ തുടങ്ങി 50ഓളം ചിത്രങ്ങളിൽ അഭിനയിച്ചിട്ടുണ്ട്.