ലയണൽ മെസിയുടെ അർജൻറീന കേരളത്തിൽ കളിക്കാൻ എത്തുന്നു

നടുവണ്ണൂർ: അർജൻറീന അന്താരാഷ്ട്ര ഫുട്ബോൾ ടീം കേരളത്തിലേക്ക് വരുന്നു. അടുത്ത വർഷം കേരളത്തിൽ മെസ്സിയുടെ നേതൃത്വത്തിലുള്ള ടീം കളിക്കുമെന്ന വിവരം ഏറെ ആഹ്ലാദത്തോടെയാണ് ഫുട്ബോൾ ആരാധകർ ശ്രവിക്കുന്നത്. കേരളത്തിൽ രണ്ട് മത്സരങ്ങൾ ആയിരിക്കും ടീം കളിക്കുക. അർജൻറീന ദേശീയ ടീം ഏഷ്യയിലെ പ്രമുഖ ടീമുമായിട്ടായിരിക്കും മത്സരിക്കുക. സ്പോൺസർ വഴി ചെലവ് കണ്ടെത്താനാണ് പദ്ധതി. 

     മെസ്സിയുടെ വരവിൽ ഓൾ ഇന്ത്യ ഫുട്ബോൾ ഫെഡറേഷൻ അന്തിമ തീരുമാനം എടുക്കും. കായിക വകുപ്പ് മന്ത്രി അബ്ദുറഹിമാൻ ശ്രമ ഫലമായാണ് അർജൻറീന കേരളത്തിലേക്ക് എത്തുന്നത്. അർജൻറീന ടീം കേരളത്തിൽ എത്തുന്നു എന്നത് തന്നെ വലിയ വാർത്തയാണ്, അതേസമയം കേരളത്തിൽ ഇന്ത്യയിൽ കളിക്കുന്നു എന്നുള്ളത് അതിലേറെ ആകാംക്ഷയോടെയാണെന്ന് പ്രമുഖ ഫുട്ബോൾ താരമായിരുന്ന ഷറഫലി പറഞ്ഞു. ഏതായാലും സ്വപ്നതുല്യമായ ഒരു ഫുട്ബോൾ മത്സരത്തിലാണ് ആരാധകർ കാത്തിരിക്കുന്നത്.