പേരാമ്പ്ര ബൈപ്പാസിൽ കാർ നിയന്ത്രണം വിട്ട് പറമ്പിലേക്ക് വീണ് നാല് പേർക്ക് പരിക്ക്

പേരാമ്പ്ര: പേരാമ്പ്ര ബൈപ്പാസിൽ വീണ്ടും വാഹനപകടം. ബൈപ്പാസിൽ കാർ നിയന്ത്രണം വിട്ടു റോഡിൽ നിന്നും പറമ്പിലേക്ക് വീണാണ് അപകടം. അപകടത്തിൽ നാല് പേർക്ക് പരിക്കേറ്റു. ആയുർവേദ ആശുപത്രിക്ക് സമീപം മുറിച്ചാണ്ടി താഴെ ഇന്ന് രാവിലെ 7 മണിയോടെയായിരുന്നു അപകടം സംഭവിച്ചത്. നിയന്ത്രണം വിട്ട കാർ റോഡിന് സമീപത്തെ ഗാർഡ് സ്റ്റോണിൽ ഇടിച്ച് തൊട്ടടുത്ത പറമ്പിലേക്ക് വീഴുകയായിരുന്നു. കോഴിക്കോട് എയർപോർട്ടിൽ നിന്നും വന്ന സംഘമാണ് അപകടത്തിൽ പെട്ടത്. കടമേരി ഭാഗത്തേക്ക് പോവുകയായിരുന്നു. അപകടത്തിനു പിന്നാലെ നാട്ടുകാർ ചേർന്ന് പരിക്കേറ്റവരെ പേരാമ്പ്ര സ്വകാര്യ ആശുപത്രിയിൽ പ്രവേശിപ്പിച്ചു. അപകടത്തിൽപ്പെട്ട കാറിൽ രണ്ട് സ്ത്രീകളും ഒരു കുട്ടിയും ഉണ്ടായിരുന്നു. കാറിന്റെ മുൻവശം പൂർണമായും തകർന്ന നിലയിലാണ്.