കൊയിലാണ്ടിയിൽ മോഷ്ടിച്ച ബൈക്കുമായി പത്തൊൻപതുകാരൻ പിടിയിൽ

കൊയിലാണ്ടി: മോഷ്ടിച്ച ബൈക്കുമായി പോവുകയായിരുന്ന പത്തൊൻപതുകാരനെ കൊയിലാണ്ടിയിൽ വെച്ച് പിടികൂടി പോലീസ്. പയ്യോളി ഭജനമഠത്തിനടുത്ത് താമസിക്കുന്ന വടകര സ്വദേശി മിഹാൽ(19) നെയാണ് പോലീസ് പിടികൂടിയത്. ഞായറാഴ്‌ച പുലർച്ചെ നാല് മണിയോടെ കൊയിലാണ്ടി ടൗണിൽ നൈറ്റ് പെട്രേളിംങ് നടത്തുന്നതിനിടെ നിർത്താതെ പോയ ബൈക്കിനെ പോലീസ് പിന്തുടർന്ന് പിടികൂടുകയായിരുന്നു. തുടർന്ന് നടത്തിയ അന്വേഷണത്തിൽ താനൂർ റെയിൽവേ സ്റ്റേഷനിൽ നിന്നും മോഷ്ടിച്ച ബൈക്കാണിതെന്ന് തിരിച്ചറിഞ്ഞു. യുവാവിന്റെ പേരിൽ കോഴിക്കോട് സിറ്റി പോലീസ് സ്റ്റേഷനിലടക്കം 11 ഓളം കേസുകളിൽ പ്രതിയാണെന്ന് പോലീസ് പറഞ്ഞു.

       സി.ഐ. ശ്രീലാൽ ചന്ദ്രശേഖരന്റെ നേതൃത്വത്തിലുള്ള പോലീസ് സംഘത്തിന്റെ തന്ത്രപരമായ നീക്കത്തിലാണ് പിടികൂടിയത്. എസ്.ഐ മണി, എസ്.സി.പി.ഒ. ഗംഗേഷ് തുടങ്ങിയവർ സംഘത്തിലുണ്ടായിരുന്നു. കോടതിയിൽ ഹാജരാക്കിയ പ്രതിയെ 14 ദിവസത്തേയ്ക്ക് റിമാണ്ട് ചെയ്‌തു.