കൊയിലാണ്ടിയിൽ മദ്യ മാഫിയ വീട് കയറി കുടുംബത്തെ ആക്രമിച്ചു

കൊയിലാണ്ടി: കൊയിലാണ്ടിയിൽ മദ്യ മാഫിയ സംഘത്തിൻ്റെ നേതൃത്വത്തിൽ വീട് കയറി ആക്രമണം നടത്തി. കൊയിലാണ്ടി പന്തലായനി ശ്രീവത്സരത്തിൽ ഉണ്ണികൃഷ്ണൻ്റെ കുടുംബത്തെയാണ് ആക്രമിച്ചത്. ഭാര്യ ദീപ, മക്കളായ കൃഷ്ണേന്ദു, നവനീത് കൃഷ്ണ എന്നിവരെയാണ് ഒരു സംഘം ആക്രമിച്ചത്.മൂന്നസംഗമാണ് ഭാരകായുധങ്ങളുമായി ആക്രമിച്ചതെന്ന് പറയപ്പെടുന്നു. പ്രതികളായ അജീഷ് അരുൺ എന്നിവരെ തിരിച്ചറിഞ്ഞിട്ടുണ്ട്.

     വീട്ടിലേക്ക് കടന്നു കയറി ആക്രമിക്കുകയായിരുന്നു. ഇന്ന് ഉച്ചയ്ക്ക് രണ്ടുമണിയോടെയാണ് സംഭവം. പൊതുസ്ഥലത്ത് മദ്യപിച്ചത് ചോദ്യം ചെയ്തതാണ് കുടുംബത്തിന് മർദ്ദനമേൽക്കാൻ കാരണമായതെന്ന് പറയപ്പെടുന്നു. ഉണ്ണികൃഷ്ണന്റെ വീടിന് തൊട്ടു മുൻപിലുള്ള കട കേന്ദ്രീകരിച്ചാണ് ലഹരി ഉപഭോഗം നടന്നിരുന്നത്. കുടുംബാംഗങ്ങൾ ഒന്നിച്ചിരുന്ന് ഭക്ഷണം കഴിക്കുമ്പോഴാണ് മൂവർസംഘം കടന്നുവന്ന ആക്രമിച്ചത്. ആക്രമണയം തടയാൻ ശ്രമിച്ച ഭാര്യയെയും മക്കളെയും വടി ഉപയോഗിച്ച് പ്രതികൾ ക്രൂരമായി മർദ്ദിച്ചു.വീടിൻറെ ജനൽ ചില്ലുകൾ അടിച്ചു തകർക്കുകയും ചെയ്തു. കുടുംബാംഗങ്ങൾ കൊയിലാണ്ടി താലൂക്ക് ആശുപത്രിയിൽ ചികിത്സ തേടിയിരിക്കുകയാണ്. കുടുംബം കൊയിലാണ്ടി പോലീസിൽ പരാതി നൽകിയിട്ടുണ്ട്.