റെയിൽവേ സ്റ്റേഷനിൽ നിന്ന് മൊബൈൽഫോൺ മോഷ്ടിക്കുന്ന യുവാവും യുവതിയും പിടിയിൽ

കൊച്ചി: റെയിൽവേ സ്റ്റേഷനിലെ വിശ്രമ മുറിയിൽ നിന്ന് മൊബൈൽഫോൺ മോഷ്ടിക്കുന്ന യുവാവും യുവതിയും പിടിയിൽ. മലപ്പുറം സ്വദേശികളായ ജിഗ്നേഷ്, സോന എന്നിവരാണ് പൊലീസിന്റെ പിടിയിലായത്. എറണാകുളത്ത് വെച്ചാണ് ഇരുവരും പോലിസ് പിടിയിലാകുന്നത്. തിരുവനന്തപുരം മുതൽ കോഴിക്കോട് വരെയുള്ള എല്ലാ റെയിൽവേ സ്റ്റേഷനുകളിലേയും വിശ്രമമുറികളിൽ നിന്നും ഇവർ മൊബൈൽ ഫോൺ മോഷ്‌ടിച്ചിട്ടുണ്ട്.

      ടിക്കറ്റ് എടുക്കാതെ വെയിറ്റിംഗ് റൂമുകളിൽ കയറിയിറങ്ങുന്ന ഇവർ രാത്രികാലങ്ങളിലാണ് മോഷണത്തിനിറങ്ങുക. റെയിൽവേ സ്റ്റേഷനിൽ നിന്ന് ചാർജിന് വെച്ചതും അല്ലാത്തതുമായ നിരവധി മൊബൈൽ ഫോണുകൾ മോഷണം പോയതായി പരാതികൾ ലഭിച്ചിരുന്നു. ഇത് സംബന്ധിച്ച് അന്വേഷണം നടക്കുന്നതിനിടയിലാണ് പ്രതികൾ പിടിയിലായത്. ഏകദേശം ഒരു ലക്ഷത്തിലധികം രൂപ വീതം വില വരുന്ന രണ്ട് മൊബൈൽ ഫോണുകൾ പ്രതികളിൽ നിന്നും പിടിച്ചെടുത്തു.