വിവാഹ വീട്ടിൽ പോയ മധ്യവയസ്കൻ ഓവു ചാലിൽ മരിച്ച നിലയിൽ

കോഴിക്കോട്: വിവാഹ വീട്ടിൽ പോയ മധ്യവയസ്കനെ ഓവുചാലിൽ മരിച്ച നിലയിൽ കണ്ടെത്തി. കോഴിക്കോട് ഒളവണ്ണ മാത്തറയിലാണ് മധ്യവയ‌സ്ക്കനൈ മരിച്ച നിലയിൽ കണ്ടെത്തിയത്. ഒളവണ്ണ നാഗത്തും പാടം സ്വദേശി സുരേഷ് ആണ് മരിച്ചത്. ഇന്നലെ രാത്രി സമീപത്തെ വിവാഹ വീട്ടിൽ പോയിരുന്നു. എന്നാൽ രാത്രി വീട്ടിൽ മടങ്ങിയെത്താത്തതിനെ തുടർന്ന് നടത്തിയ തെരച്ചിലിലാണ് ഓവുചാലിൽമരിച്ച നിലയിൽ കണ്ടെത്തിയത്.

     ഇന്ന് രാവിലെയാണ് ഇയാളുടെ മൃതദേഹം ഡ്രൈനേജിൽ കണ്ടെത്തിയത്. വീട്ടിലേക്ക് തിരിച്ചു വരുന്ന വഴി മാത്തറക്ക് സമീപം ഡ്രൈനേജിൽ വീണതാകാമെന്നാണ് പൊലീസിന്റെ സംശയം. മൃതദേഹം കോഴിക്കോട് മെഡിക്കൽ കോളേജ് ആശുപത്രി മോർച്ചറിയിലേക്ക് മാറ്റിയിട്ടുണ്ട്.സംഭവ സംബന്ധിച്ച പോലീസ് അന്വേഷണം ആരംഭിച്ചു.