ഉള്ളിയരിയിൽ പാചകവാതക സിലിണ്ടറിന് തീപിടിച്ചു

ഉള്ളിയേരി: വീട്ടിൽ സൂക്ഷിച്ച പാചകവാതക സിലിണ്ടറിന് തീപിടിച്ചു. ഉള്ളിയേരി പഞ്ചായത്തിലെ മുണ്ടോത്താണ് സംഭവം. ഇന്ന് രാവിലെ ഏഴ് മണിയോടെയാണ് സംഭവം. .മുണ്ടോത്ത് സ്വദേശി കാരക്കാട്ട് മീത്തല്‍ സുനിലിന്റെ വീട്ടിലെ അടുക്കളയില്‍ വെച്ചിരുന്ന എല്‍.പി.ജി സിലിണ്ടറിനാണ് തീപിടിച്ചത്. സംഭവം ഉണ്ടായ ഉടനെ കൊയിലാണ്ടിയില്‍ നിന്നും അഗ്‌നിരക്ഷാസേന സ്ഥലത്തെത്തി തീ അണച്ചു. 

   സമയോചിതമായ ഇടപെടൽ കൊണ്ടാണ് കൂടുതൽ അപകടം ഉണ്ടാവാതിരുന്നത്. രക്ഷാ പ്രവർത്തനത്തിന് ഗ്രേഡ് എ.എസ്.ടി.ഒ പി.കെ ബാബുവിന്റെ നേതൃത്തത്തില്‍ എഫ്.ആര്‍.ഓ മാരായ നിധി പ്രസാദ് ഇ.എം, ലിനീഷ് എം, അനൂപ് എന്‍പി, ഷാജു കെ എന്നിവര്‍ നേതൃത്വം നൽകി.