മേപ്പയൂരിൽ കരകൗശല വസ്തുക്കൾ വിൽക്കുന്ന കടയ്ക്ക് ഇന്ന് വൈകിട്ട് തീപിടിച്ചു

മേപ്പയ്യൂർ: മേപ്പയൂരിൽ ഇന്ന് വൈകിട്ട് 4 മണിയോടെ കരകൗശല വസ്തുക്കൾ വിൽക്കുന്ന കടക്ക് തീ പിടിച്ചു. സ്റ്റേഷന് സമീപമുള്ള മൺപാത്രങ്ങളും കരകൗശല വസ്തുക്കളും വിൽക്കുന്ന കടയിലാണ് ഇന്ന് തീപിടുത്തം ഉണ്ടായത്. കടയുടെ ഉൾഭാഗം ഭാഗികമായി കത്തി നശിച്ച നിലയിലാണ്. തീപിടുത്തത്തിന്റെ കാരണം വ്യക്തമായിട്ടില്ല. ഓടിക്കൂടിയ പ്രദേശവാസികളാണ് ആദ്യം രക്ഷാപ്രവർത്തനം നടത്തിയത്.

      വിവരം ലഭിച്ചതിൻ്റെ അടിസ്ഥാനത്തിൽ പേരാമ്പ്രയിൽ നിന്നും രണ്ട് യൂണിറ്റ് അഗ്നിശമനസേനയെത്തി കൃത്യ സമയത്ത് തീ അണച്ചതിനാൽ സമീപത്തുള്ള കടകളിലേക്ക് തീ പടരാതെ രക്ഷയായി. കെ എസ് ടി ഒ പ്രദീപിന്റെ നേതൃത്വത്തിൽ സീനിയർ അസിസ്റ്റൻറ് സുജാതൻ എഫ് ആർ ഓമാരായ ശ്രീജിത്ത്, സോജു, രഗ്നേഷ് ,സിജീഷ്, ഷൈജു സനൽരാജ്, ബിനീഷ് എന്നിവർ രക്ഷാപ്രവർത്തനത്തിൽ പങ്കെടുത്തു.