മുന്തിരി ജ്യൂസ് കുടിച്ചതിനെ തുടർന്ന് ദേഹാസ്വാസ്ഥ്യം പ്രകടിപ്പിച്ച മൂന്നുപേർ ആശുപത്രിയിൽ
അലനല്ലൂരിലെ ഒരു കടയില് നിന്നും വാങ്ങിയ മുന്തിരി ഉപയോഗിച്ചാണ് ജ്യൂസ് തയാറാക്കിയത്
പാലക്കാട്: മുന്തിരി ജ്യൂസ് കുടിച്ച് ദേഹാസ്വാസ്ഥ്യം അനുഭവപ്പെട്ടതിനെ തുടര്ന്ന് നാലു വയസ്സുകാരി ഉൾപ്പെടെ മൂന്നുപേര് ചികിത്സ തേടി. അലനല്ലൂര് എടത്തനാട്ടുകരയിലാണ് സംഭവം. എടത്തനാട്ടുകര പൂഴിത്തൊടിക ഉമ്മറിന്റെ ഭാര്യ സക്കീന (49), മകന്റെ ഭാര്യ ഷറിന് (23), ഇവരുടെ മക്കൾ ഹൈറ മറിയം(4) എന്നിവരെയാണ് ആശുപത്രിയില് പ്രവേശിപ്പിച്ചത്.
വീട്ടിൽ ഉണ്ടാക്കിയ ജ്യൂസ് കഴിച്ചതിനെ തുടർന്നാണ് ദേഹാസ്വാസ്ഥ്യം അനുഭവപ്പെട്ടത്. അലനല്ലൂരിലെ ഒരു കടയില് നിന്നും വാങ്ങിയ മുന്തിരി ഉപയോഗിച്ചാണ് ഇവര് വീട്ടില് നിന്ന് ജ്യൂസ് ഉണ്ടാക്കിയത്.
ജ്യൂസ് കഴിച്ചയുടന് ചര്ദ്ദിച്ച് കുഴഞ്ഞുവീഴുകയായിരുന്നു. ഉടന് സമീപത്തെ ക്ലിനിക്കിലും തുടര്ന്ന് താലൂക്ക് ആശുപത്രിയിലും പ്രവേശിപ്പിക്കുകയായിരുന്നു.