കീഴരിയൂരിൽ വൻ തീപിടുത്തം; അപകടമുണ്ടായത് ഇന്ന് പുലർച്ചയോടെ

മേപ്പയൂർ: കീഴരിയൂർ പാലായി വെളിച്ചണ്ണ ഓയിൽ മില്ലിന് തീപിടിച്ചു. ഇന്ന് കാലത്ത് 5 മണിയോടെയായിരുന്നു സംഭവം. കീഴരിയൂർ പഞ്ചായത്തിന് സമീപത്താണ് അപകടമുണ്ടായത്. പേരാമ്പ്ര, കൊയിലാണ്ടി, വടകര ഫയർ ഫോഴ്സ് യൂണിറ്റുകൾ രണ്ടു മണിക്കൂറോളം ശ്രമിച്ചാണ് തീയണച്ചത്.

      മില്ലിനോട് ചേർന്ന് നിൽക്കുന്ന കീഴരിയൂർ പഞ്ചായത്ത് ഓഫിസിന് തീ പടരുമോ എന്ന ഭീതിയിലായിരുന്നു നാട്ടുകാരും ഉദ്യോഗസ്ഥരും. പാലായി സലാമിൻ്റെ ഉടമസ്ഥതയിൽ പ്രവർത്തിക്കുന്ന മില്ലിന് ഇൻഷൂറൻസ് ഇല്ലെന്നാണ് വിവരം.